一年眨下眼就過咗啦，轉眼就快要踏入蛇年，小編喺度祝大家蛇年發大財，財源滾滾來！新年就梗係要買新春佈置同利是封啦。想與眾不同，就要睇睇以下8件本地設計師創作嘅新春產品，包保男女老少都鍾意！
【福氣滿滿嘅新春佈置物】
1. Amazing Studio | 揮春-利是廊 揮春 盤滿缽滿 ($18/張)
買揮春就梗係要買有香港特色架啦！「Amazing Studio」將富有香港特色嘅元素例如豬仔錢罌、蛋撻、菠蘿油、黯然銷魂飯等等融入揮春嘅設計，每款都令人好有共鳴！
「Amazing Studio」 關注香港主題的設計，將獨特的香港文化同元素融入日常產品中。佢哋嘅產品包括揮春、利是封、明信片同吊飾等等，每一件都充滿本地魅力。希望佢哋嘅特色產品可以為大家嘅日常生活增添一分香港獨有嘅活力，令大家感受到這座城市嘅迷人魅力！
2. PetPet Story | 揮春 ($20/張)
錫晒屋企毛孩嘅你又點可以唔買動物揮春呢？「Petpet Story 」今年為大家帶嚟一連15款唔同貓貓同狗仔造型嘅揮春。無論你係養柴犬、比熊定係波斯貓同英短，總有一款啱你！
「PetPet Story」嘅店主十幾年前開始被家中活潑的寵物狗俘虜心靈，亦令佢漸漸愛上其他動物，從而啟發她係 2022年創立咗本地設計品牌 「PetPetStory」。佢哋嘅品牌主打寵物彩繪精品， 包括輕便消毒噴樽、毛巾、咕臣、購物袋及鎖匙扣等，大家有興趣嘅不妨去LOUDER 門市同e-shop 選購。
3. 芥菜種, 書法嘉 | 揮春 ($15/張)及雕花十字揮春 ($28/張)
「芥菜種」嘅揮春年年都非常受歡迎！佢哋嘅設計永遠都俾人一種好溫暖嘅感覺，相信大家睇到呢個「春暖花開」同「平安歡喜」嘅時候，都能感受到設計師內心平靜同溫暖。鍾意嘅朋友記得帶佢哋返屋企，過一個溫馨嘅新年！
除咗傳統嘅揮春，佢哋仲有雕花設計嘅揮春！以傳統雕花工藝為靈感，將祝福字「雕」在揮春上再加上花朵嘅襯托，，真係簡約又不失優雅！
創立於2001年1月1日，創辦人Kelvin Kwan 以最細粒嘅種子為品牌命名，寓意賦予品牌嘅強大生命力。以「滋潤心田、傳遞關愛」為初心，Kelvin推出咗一系列原創嘅窩心插畫同金句設計嘅精品，包括：賀卡、月曆、坐枱擺設等；無論係要嚟送禮或自用都能夠提振心靈。
4. Beebeeworkshop | 揮春 ($268/件)
新年係咪一定要紅噹噹？如果屋企裝修嘅色調唔襯紅色點算呢，唔使驚，LOUDER 幫到你！「Beebeeworkshop 」嘅揮春用小清新嘅風格重新設計呢一個家家戶戶新年都鍾意貼嘅「福」字揮春，啱晒鍾意簡約風嘅你帶佢返屋企！
鍾意花卉和手工藝嘅店主係2014年創立咗當地品牌「Beebeeworkshop」。佢係世界各地採購新鮮花卉，親自將佢哋製作成乾花，並以獨特的手法設計成髮圈、戒指等多樣化產品。從開業到而家，她推出咗一系列獨特的商品，旨在令更多年齡層嘅顧客了解壓花飾品。
【承載祝福嘅喜慶利是封】
各位小朋友新年當然要負責「逗」利是，而大朋友則要去派利是！新年收到或者派出有趣嘅利是封，兩邊都一樣開心！喺呢個喜慶嘅新年，小編想介紹4款本地原創品牌「Amazing Studio」設計嘅可愛利是封，每個利是封都充滿住祝福與好運。❤
️
5. Amazing Studio | 利是封-熊貓-笑口常開 ($38/ 8封)
隨著熊貓經濟嘅發展，香港嘅熊貓裝飾無所不在。今年農曆新年，「Amazing Studio 」以國寶熊貓為靈感，精心設計呢一款利是封。呢款利是封不僅展現了熊貓嘅可愛形象，亦蘊含咗豐富嘅傳統文化元素，象徵團圓、繁榮同好運。
6. Amazing Studio | 利是封-如意吉祥 ($48/ 8封)
喺呢個喜慶的新年，我哋為大家帶來一系列傳統又大氣嘅利是封！呢款利是封用咗經典嘅紅色同金色搭配，象徵住吉祥同富貴，真係充滿咗濃厚嘅節日氣氛！每個利是封上面都有傳統嘅吉祥圖案同祝福語，幫你傳遞對親友嘅美好祝願。
7. Amazing Studio | 利是封-貓-花開富貴 ($38/ 8封)
除了傳統嘅利是封設計，「Amazing Studio」仲特別推出咗好可愛嘅動物系列的利是封，希望為你帶來更多歡樂與祝福！貓狗主題利是封不單止設計精美，而且超級可愛，一定能為新年增添唔少喜慶。
8. Amazing Studio | 利是封-像素迎樂 ($58/ 8封)
無論男女老幼都一定有朋友鐘意打機，玩味遊戲機主題嘅利是封就啱晒你啦！呢一個利是封嘅設計靈感嚟自經典遊戲機，色彩鮮豔、圖案生動，充滿著年輕活力！每個利是封都展示咗唔同嘅遊戲元素，例如像素畫風格嘅角色同經典遊戲場景，完美適合送畀熱愛遊戲嘅朋友同家人。呢一個利是封不單止係一個祝福，更加充滿樂趣！
LOUDER小編希望大家鍾意以上介紹嘅新春產品！願每一份揮春、利是封都可以傳遞出你的祝福與心意。在呢個新年，小編祝你同你嘅屋企人幸福安康，財源廣進，心想事成，萬事如意！新年快樂！