5月12日就係母親節啦，大家當然要趁機好好多謝媽媽啦！除左帶媽媽出去玩同嘆afternoon tea之外，唔知大家又準備好禮物未呢？ 小編為大家搜羅左5款本地原創、別出心裁嘅精品，媽媽收到一定愛不釋手！
【Staycation或旅行必備】
JARDIN DES FONTAINES |「八十日環遊世界」沐浴汽泡彈、毛巾和肥皂花套裝 ($198)
無論係帶媽媽去staycation定係去旅行，或者為充實嘅一日增添儀式感，浸浴都可以令我地好好放鬆身心靈，締造紓壓小確幸時刻。呢個沐浴套裝有齊精緻嘅肥皂花、香噴噴嘅沐浴汽泡彈同埋軟綿綿嘅毛巾，透過浸浴為媽媽消除煩惱，放鬆心情，仲有效助眠添！
JARDIN DES FONTAINES係香港原創設計生活精品品牌，品牌將東方與法國，人與自然，傳統與現在聯繫埋一齊，希望做到「藝術生活化，生活藝術化」。
【媽媽最愛之選】
送花最穩陣？不過年年送花好似有啲悶，不如今年送下啲新「花款」啦！呢款保鮮花擺設採用日本及哥倫比亞保鮮花，經過獨特嘅脫水、脫色、著色、以及乾燥等製作工藝，令花朵保留原有嘅柔嫩、形狀和光澤。保鮮花可以保存3年之外，期間仲唔洗打理，精美之餘又可以免卻麻煩。保鮮花枱燈擺設係晚上仲可以用作氣氛燈或者小夜燈，為温暖嘅家增添多份優雅。
「密.花」於2022年係香港建立，由IG 網店開始試業。創辦人一直都喜愛花藝，希望創作獨一無二嘅保鮮花擺設，令香港人更加認識保鮮花。
Jouët Bouquet | 裝飾桌花 ($520)
Jouët Signature花束系列亦都係小編嘅私心推介，除左可以送比媽媽之外，亦都係一種有保存價值嘅藝術品。花束特別之處係佢別樹一格嘅設計，同埋精選嘅保鮮花材料，象徵對媽媽「永垂不朽的愛」。除左可以增添屋企嘅溫馨感，呢款裝飾桌花仲附有小卡片，等你送比媽媽嘅時候，可以寫低對媽媽 (平時怕醜唔敢講) 嘅心底話！
Jouët Bouquet成立於2015年，係一間本地鮮花同埋保鮮花專門店。品牌希望透過提供高品質嘅花藝成品，為送花同收花嘅客人帶來喜悅。
【時尚精品之選】
SEARO | 黑髮晶|白水晶|天然石可調節手鏈 ($268)
如果媽媽中意配戴首飾嘅話，咁送呢款天然水晶手鏈比媽媽就實無錯啦！呢款手鏈望落高貴得黎又唔會太搶眼，而且手鏈結合有效清理負能量嘅黑髮晶，以及代表平衡同美滿嘅白水晶，無論媽媽做野做到有幾心煩氣躁，帶住佢都即時心境平靜呀！(唔代表平時可以激嬲媽媽呀！)
SEARO係本地手工飾物品牌，名稱取自 Zero嘅諧音，意指一切由零開始，創作出與眾不同、無可取代嘅作品。店主期望透過手作水晶同天然石飾品，讓你綻放出最耀眼光芒。
Be One Letter | 迷你首飾盒 ($168)
呢個迷你首飾盒以燙金西洋書法寫上「LOVE」字，直接得黎又唔老土，啱曬係呢個重要嘅日子送比媽媽表達愛意！雙層連鏡設計配備隔層及戒指凹槽位，一定放得曬媽媽嘅各種首飾，放係屋企或者拎出街都一樣咁方便，美觀與實用並重，媽媽實鍾意呀！
Be One Letter 由專研西洋書法嘅主理人 Isabelle Yuen 於2019年創立，將西洋書法糅合生活元素，製作成時尚生活選物及婚禮產品。品牌意思係「Be Your Only One」，每一個人就好似手寫字一樣，係獨一無二嘅。