夏日炎炎留喺商場行街買嘢，無論係服裝、玩具、香薰蠟燭定係護膚品，好似黎黎去去都係果啲國際大型連鎖品牌，行到有啲悶，想試吓啲新嘢？其實香港都有唔少高質素嘅本地品牌好值得大家認識同留意，小編今日就精選咗5個你諗都冇諗過香港會有嘅本地品牌，我地一齊睇睇啦！
1. Archbrick | 香港前九廣鐵路鐘樓微積木 $159 & 迷你香港紅小巴紅VAN微積木 $75
好多人細細個都有砌過積木 (或者唔小心踩過係地上面嘅積木，嗚嗚)，但原來香港都有本地微積木品牌架喎！Archbrick係2020年成立，以「小小世界，無限想像」為目標，致力以創意及想像力協助玩家搭建同收藏心入面美麗嘅小小世界。
今個夏天如果想避開高温留係室內，可以將街上面嘅紅Van或者尖沙咀前九廣鐵路鐘樓買返屋企砌，加啲想像力，創立一個屬於自己嘅迷你香港。
2. Soclotheshk | Rabbit8s Friends T-shirt $289, 小熊貓漁夫帽 $329 & 彩色刺繡Map Me斜孭袋 $429
夏天話咁快就到，想趁轉季買返幾件新衫，但又唔想買返果幾個大牌子？其實香港都有唔少本地設計嘅服裝品牌，小編今次推介嘅就係「Soclotheshk」。
由時尚嘅Rabbit8s Friends T-shirt、cute cute嘅小熊貓漁夫帽到獨特嘅彩色刺繡Map Me斜孭袋，Soclotheshk都有不同特色嘅設計，無論你係行文青定型格路線，總有一款啱你心水。
3. 立足・香港 | 天然精油驅蚊噴霧 $148
品牌係2022年底成立，產品除咗以氣味讓生活增添情趣，亦透過芳香療法療癒大家身心，每項產品由設計到生產均係香港完成！「立足・香港」有多款唔同嘅蠟燭、精油同埋噴霧，不過吸引到小編眼球嘅係夏日必備嘅天然精油驅蚊噴霧。
呢款天然精油驅蚊噴霧可以針對各種蚊蟲，減輕痕癢，而且氣味醒神。以9種純天然植物精油及純水製造，不含DEET 、甲醛、樟腦，成份温和，小朋友都適用。今個夏天帶住佢出去玩，就啱曬啦！
4. 港色 | 檸檬茶iPhone手機殼 $80, 紅豆冰iPhone手機殼 $80 & 菠蘿油Phone手機殼 $80
今時今日嘅手機真係部部都差唔多樣，手機保護殼變成唯一有得展示個人特色嘅地方，不過你又知唔知手機保護殻都可以充滿住本地色彩？
「港色」係2021年成立，產品全部係香港設計，目的係推廣香港嘅文化。「港色」嘅手機保護殻以簡單嘅線條同埋為人熟悉嘅顏色去設計，例如有大家細細個就飲開嘅檸檬茶、下午茶必備嘅紅豆冰同邪惡菠蘿油，拎上手都幾可亂真！(小編睇到都好肚餓……)
5. Pure.Sincere | 老薑黑胡椒去水排毒養生油 $268
「Pure.Sincere」係一個本地草本護膚品牌，結合漢方草本智慧與西方芳療精髓，針對女性不同膚質和身體養護功能，希望所有女性都能透過其產品，迎來更好嘅自己。
小編今次推介嘅係「老薑黑胡椒去水排毒養生油」，呢枝養生油就係針對現代都市人因工作需要長期站立或者坐太耐，而又缺乏運動帶黎嘅問題。入面嘅老薑及黑胡椒精油，有助驅寒及促進血液循環，西柚及杜松漿果精油就可以幫助去水腫及排毒，啱晒忙碌嘅香港人！