上個月指定品牌「買二送一」唔知大家有冇去入貨呢？為食小編就靜靜雞大手入左一批雞胸肉燒賣同麻辣小食，喺屋企肚餓就可以整黎食，夠曬方便。嚟到LOUDER美食節第二階段，今期推介「限時組合優惠」，精選7大食品，低至8折，真係好抵同好多野揀呀！就等為食小編同你一一介紹！
二澳農作社 | 全線醬料▶️ 組合價 $140/2件
二澳呢個地方你可能冇聽過，不過身為Foodie嘅你就一定要試下二澳嘅醬料。本地有機農産品，加上自家制食譜，無論係泰式冬蔭公醬定係檸檬香茅蒜蓉醬，樣樣都夠曬風味同惹味！
二澳村位於大嶼山嘅西南面，係一條有逾二百年歷史嘅古村。自2012年，係取得村民嘅合作下，正式展開二澳復耕計劃，並成立二澳農作社以統籌農業生產及各類相關活動，目標係以現代經濟模式，推廣有機農業，發展本地文化及經濟。
Nutky | 煙燻椒鹽雜錦果仁配焦糖雜錦果仁 ▶️組合價 $82/2件
有人話Nutky可能係全香港最好食嘅果仁，小編唔知係咪真，淨係知道office包Nutky焦糖果仁永遠都係最快比人食曬 (小編食得兩粒，轉個頭又冇曬T_T)。焦糖果仁甜而不膩，焦香鬆脆，真係食下食下就成包食曬。
Nutky成立於2019年11月，目標係找出香港人最喜歡嘅焦糖果仁口味，希望能為更多人帶來食得到嘅幸福感。
沁靈好物 | 合桃及松子 ▶️組合價 $140 – $160/2件
為食小編有時都會想食得健康啲嘅(扮下都好)，所以間唔中都會拎隔離位同事包沁靈好物新疆合桃黎食下，因為知道佢無任何添加劑，不含人工糖份，又可以順便補下腦，就算食得多都冇乜罪惡感。
沁靈好物於2019年創立，主打各款新疆乾果及花茶，天然健康，產品均無任何添加劑、無添加任何糖份或調味。
Jammie Jam | 全線法式蛋白脆餅 ▶️組合價 $99/3件
Jammie Jam嘅法式蛋白脆餅一向都好受歡迎，所以今日美食節又點會少得佢喎！細細塊脆餅，加上又濃又滑嘅抹醬，配上茶香，絕對係最佳零食之選。
Jammie Jam秉持少量製造嘅宗旨，堅持不加人工香料、防腐劑或任何增稠劑，確保每瓶抹醬都係新鮮製造，成為大家嘅perfect match。
The Nutter Company | 花生醬配其他果仁醬 ▶️組合價 $175/2件
大家都話一日之計在於晨，朝早咁重要就梗係要食個滿足嘅早餐啦！The Nutter Company嘅花生醬100%印度花生製造，味道更濃，不含調味料及添加劇，啖啖滋味，早餐用黎夾麵包就啱曬啦。
The Nutter Company於香港創立，專注製作各式天然果仁醬，希望令大家由早餐開始已感受到果仁醬嘅香氣及口感，帶嚟好心情。
福元 | 花生湯圓或黑芝麻湯圓 ▶️組合價 $104/2
身為Foodie嘅你，對於呢間門口長期排長龍嘅福元湯圓應該一啲都唔陌生，不過要排咁耐，想食都冇得食？宜家黎LOUDER就可以買到啦，等大家喺屋企都可以輕輕鬆鬆，享受到傳統嘅美味。
福元湯圓喺炮台山福元街屹立30年，一直專注花生和黑芝麻湯圓，福元湯圓亦因福元街而命名。
Valérie | 曲奇系列 ▶️組合價$136/2件
人氣品牌Valérie嘅蝴蝶酥有幾出名就應該唔洗我多講，人人都食到停唔到口，嚟緊各款蝴蝶酥同蛋卷都可以用$356 買到 2件，小編預計到時一定又會賣斷貨。除咗蝴蝶酥，曲奇系列你又有冇試過呢？有齊宇治抹茶、比利時可可及意大利榛子等7款口味，送禮自用都啱曬呀！(買兩件，送一件俾為食小編都可以)。
Valérie 係2014年創立，從創作到挑選原材料，Valérie一直不斷改良食譜，堅持每事親力親為，每日人手新鮮焗製，為每一位帶來嚐甜嘅快樂。
記住呀，LOUDER美食節限時優惠，只做到2024年6月12日或者去網店搶購啦！
*優惠受條款及細則約束
優惠會在網站結帳時自動顯示，無需額外的折扣碼。此優惠不能與其他優惠一同使用。如有爭議，LOUDER 保有最終決定權。