文章

嚟到香港唔知買咩手信好？遊客們有福啦！LOUDER雲集超過200個香港本地品牌，過千款特色精品俾你慢慢揀！今次小編為你哋精心挑選咗一系列有香港特色嘅人氣產品，有實用美觀嘅家庭擺設，又有刺激好玩嘅卡牌遊戲，睇得又玩得，無論送禮自用都非常合適，連香港人都爭住買！

地圖迷 | 香港地圖吸水杯墊 $68

「地圖迷」嘅「香港地圖杯墊」唔單止美觀，仲好實用㗎。杯墊上的香港地圖，除咗標示香港18區嘅位置，仲印有麻雀同山丘樹木分佈，十分精緻。「香港地圖杯墊」特選天然礦物，比一般矽膠吸水力更強，而且容易清洗。杯墊一共有4款顏色，仲唔快啲入手一套收藏或者送俾親朋戚友！

香港麻雀號 MR.MAHJONG | 麻雀-番子款2隻裝 $288

想要帶一件香港經典文化紀念品回家？「Mr. Mahjong」 推出咗呢款獨特麻將！呢個套裝結合傳統麻雀與創新，在麻雀上印上祝福字句及有趣字句。快啲買嚟送俾你嘅「型爸」及「靚媽」啦。

祝君安好 | 彩虹邨飾物架$270

屋企嘅首飾多到冇位擺? 咁就絕對唔可以錯過呢款「彩虹邨飾物架」!靈感來自香港著名的公共房屋項目彩虹邨，呢個飾物架完美呈現香港經典嘅建築風格。無論係放飾品或者擺放在辦公桌上，都可以為你嘅生活增添一番特色。愛香港嘅你，點可以錯過呢件能將城市韻味隨時帶在身邊嘅單品呢?

香港撲克牌專門店Gabangel | 大排檔V2 $118

有玩開酒game但係又驚整濕副牌？咁就要買返副「Gabangel」全新設計嘅大排檔啤牌，除咗顏色搶眼，仲加強咗防水功能，浸到酒都唔怕甩色， 咁就唔使次次玩完酒game都要買個副新啤牌。成副啤牌都加入咗本地大排檔嘅設計元素，好睇又好玩，買嚟做手信同班friend一齊玩真係一流。

阿嫲辣椒油 $78

平時鍾意喺屋企煮飯仔嘅你一定唔可以錯過！始創於1981年大浪灣，「阿嫲辣椒油」傳承阿嫲祖傳秘方，採用純手工製作及天然食材，無任何防腐劑、色素或人工添加物，俾你品嚐香港地道風味。無論喺自用或贈送親朋好友，呢款「阿嫲辣椒油」都是最佳選擇。