臨近一年一度嘅中秋節，係時候諗下訂邊款月餅送禮或者同家人朋友享用。LOUDER今年搵咗八個本地原創月餅品牌，喺2024年8月25前訂仲有早鳥優惠，早買早享受，快啲去訂啦！
1. 糕點時光 (早鳥優惠價低至$32/件)
「糕點時光」主打港式糖水嘅月餅系列，有楊枝甘露，陳皮紅豆沙同流沙芝麻糊口味。想試晒三隻味可以揀返六件禮盒裝，亦都可以單件購買，每個都係獨立包裝，買嚟送俾每個同事就啱晒。
| 立即購買 |
2. 花玥 (早鳥優惠價低至$398/盒)
「花玥」嘅禮盒格外精美，送禮首選。佢最新推出嘅盈月光映禮盒採用圓筒型雙門設計，打開仲會見到有一個精緻嘅月亮燈，儀式感滿滿。另外亦有手工牡丹花月餅連玻璃禮盒，三件精緻嘅紅色牡丹放入高貴嘅玻璃盒，送俾女朋友一定冧死佢！
| 立即購買 |
3. 笑咪咪MeCakeKi (早鳥優惠價低至$47.8/件)
「笑咪咪」推出嘅月餅好多元化，有傳統嘅蛋黃白蓮蓉及金沙奶黃月餅，亦有兩種新穎嘅口味，包括火山金枕頭榴槤及海鹽焦糖開心果味。傳統口味都採用低糖做法，亦都有純素嘅黑芝麻同紅豆味，食多兩件都唔怕血糖超標。
| 立即購買 |
4. 悅月 (早鳥優惠價低至$138/盒)
「悅月」今年推出流心月餅禮盒，有四款獨特口味，分別有奶黃流心、榛子流心、開心果流心及榴槤流心。只需要放入微波爐加熱30秒，入口就會有爆漿感覺，流心控唔好錯過啦！
| 立即購買 |
5. 酮福堂 (早鳥優惠價低至$268/盒或$398/盒)
「酮福堂」結合美味與健康，推出左四件裝嘅生酮流心奶黃禮盒及八件裝嘅生䣳四色流心禮盒。採用零熱量赤藻糖及無糖低碳淡忌廉，食多幾件都唔怕肥，連高血壓人士都可以安心享用。
| 立即購買 |
6. 花研草說 (早鳥優惠價低至$330/盒)
「花研草說」聯乘「大同老餅家」推出中秋月餅花茶禮盒，包含兩個雙黃白蓮蓉月餅及五包金裝石斛花茶，仲有精美玻璃水瓶及小手作套裝，啱晒一家大細。
| 立即購買 |
7. Nutky x 臻-新哥(早鳥優惠價低至$283/盒 至 $293/盒)
唔想淨係食月餅？咁就可以試「Nutky」聯乘「臻-新哥」推出月餅及果仁禮盒，每盒會有四件月餅同三包果仁。四款口味嘅月餅都各有特色，再配上焦糖味、原味及煙熏味雜錦果仁，鍾意食堅果小食嘅你唔好錯過呢個禮盒啦。
| 立即購買 |
8. 三木茶點 (早鳥優惠價低至$119/盒)
想要再創新啲嘅中秋禮盒選擇？「三木茶點」聯乘「南堂花茶」推出中秋禮盒，禮盒內有六包養生花茶及傳統特色小食，包括雪花酥、鳥結糖及杏仁糖，小編都想買啲放喺公司。
| 立即購買 |
一圖總結所有月餅嘅早鳥優惠：
*產品價格或會有變動，請以網店產品頁面顯示為準。
早鳥優惠只於2024年8月12至8月25日有效，優惠受條款及細則約束，如有爭議，LOUDER享有最終決定權。