上回介紹咗$100 以下嘅禮物推薦，唔知幫唔幫到大家買交換嘅禮物呢? 定係覺得預算充足，可以買貴少少? 唔緊要！小編我都好貼心為大家準備咗200蚊以下嘅送禮攻略，切合你唔同聖誕禮物嘅預算。小編揀嘅以下呢幾份禮物, 齋睇包裝已經感受到濃厚嘅聖誕氣氛，相信一定可以將節日嘅喜悅分享到俾你嘅親朋好友!
【出街必備】
SOVOS | 聖誕香氣小禮盒－ 聖誕卡 x 消毒噴霧-20ml x3 套裝 $138
年年派聖誕心意卡，派到毫無新意？SOVOS嘅聖誕香氣小禮盒包保可以為大家帶嚟絕對想像唔到嘅獨創「心意卡」! 聖誕卡造型嘅禮盒中，收藏左三款不同香味嘅有機殺菌噴霧，分別係超浪漫嘅「甜蜜棉棉雪花香氣」、寒冬雪地中屹立嘅「經典聖誕松樹香氣」，同埋超可愛圓滾滾嘅「治癒系雪人先生香氣」～ 再細心一睇，禮盒背面仲可以寫上簡單溫馨字句，相信絕對可以俘虜大小朋友嘅心!
香港有機品牌 ─ SOVOS， 品牌名稱源自古拉丁文，意指「個人專屬」，帶領您探索嚟自大自然嘅神奇治療功效。SOVOS 匯聚草藥專家、醫生團隊及芳香治療師，專研草本學。透過細閱臨床文獻，嚴選最高效能嘅原料；為您打造全天然及針對性配方，緩解您每天的身、心、靈需要。
立刻購買:
【聖誕聚會必備】- 家庭
Epoch.Workshop | 蘋果茉莉花咖啡氈酒 $138
聖誕節係同家人好好相聚嘅時刻，同家人分享最好嘅美酒係一個唔錯嘅選擇。除咗香檳紅酒，今年可以嚟個嶄新嘅選擇，試一試咖啡調酒! 今次介紹嘅蘋果茉莉花咖啡氈酒，蘋果味道清爽甜美，搭上茉莉花嘅迷人香氣，再結合濃郁嘅咖啡風味，效果更係相得益彰。而且呢一支氈酒嘅聖誕樹造型亦相當應節，帶去家庭聚會就再適合不過！如果你拜訪鍾意美酒嘅親友，唔單止可以表達你對佢品味嘅欣賞，仲可以一齊即場開樽，享受美好嘅醇酒時刻！
Epoch.Workshop喺一個咖啡品牌，提供各款咖啡豆、瓶裝咖啡同埋特別嘅咖啡調酒。
立刻購買:
【聖誕聚會必備】- 朋友
吹啤啤 Hong Kong Whistle | 吹啤啤聖誕手工啤禮盒 $150
同一班閨蜜兄弟慶祝聖誕，當然唔少得美酒相伴! 上網成日見啲人用氣泡酒或粉紅的玫瑰酒打卡呃like，不如今年搞搞新意思，試一個你諗都冇諗過嘅特色配搭? 世界上有唔同享用聖誕蛋糕同薑餅人嘅方法，但HK Whistle偏偏決定將佢變成啤酒，將橙皮、果乾、葡萄乾、肉桂等溶入愛爾啤酒，口感濃郁、香味十足。一個「脆啤啤聖誕手工禮盒」就會集合晒以上各種美食。快啲一齊同朋友開枝啤酒，由聖誕節high到跨年啦！
Hong Kong Whistle喺創立於2016年嘅精品釀酒廠，專注於生產「輕奢」、「手藝化」同埋「少量精釀」嘅啤酒作品。
立刻購買:
【聖誕Getaway必備】
Pastel Lab | 聖誕精緻混合沐浴套裝 $168
適逢年尾長假，唔少人都會去酒店 Staycation 放鬆身心靈，其中又點少得浸浴環節！今個聖誕，Pastel Lab推出高顏值聖誕限定套裝，包含四款具聖誕精緻外型嘅手作沐浴用品，分別係比你香氛彩虹浸浴體驗嘅「彩虹沐浴炸彈」、蘊含蜂蜜甜香嘅超仿真「冬甩泡泡浴芭」、沖水打出豐盈泡沫嘅泡泡浴彈，同埋配搭果香清油嘅「冷製手工皂! 藉著年底，送比自己或身邊嘅人一個紓壓嘅泡泡浴，將各種壓力沖走，令身心重拾寧靜平和，迎接一個清新嘅開始!
Pastel Lab 喺兩個女生於2020年創立喺泡泡研究室。 專門教育同製作泡泡浴球、肥皂、洗髮餅等手作沐浴用品。 由幼兒教育工作者Natalie，同藝術系出身的Chelsea結合出對教育同美學嘅追求同執著。
立刻購買: