每年都要買生日禮物俾朋友，想送得有誠意啲但又冇咩諗法？小編幫到你！以下4款產品梗有一樣啱你心水！ (小編親身試過，冇伏！送完仲做到朋友的。)
【送給時尚科技控】
SCANFC® | NFC機能手機背繩連隨身包 $388
現代人機不離手，所以揀禮物嗰陣，一定唔好錯過呢款有NFC技術嘅手機掛繩袋！呢個手機隨身包可以安全固定手機喺胸前，方便你隨時攞起手機用，送俾成日跌手機嘅朋友就啱晒啦! 而且佢仲有一個好便利嘅袋仔，可以放卡、現金或鑰匙。呢一個產品最特別嘅地方就係佢有NFC技術，輕輕一啪就可以無接觸支付或者傳輸數據。
呢款手機掛繩袋嘅設計係中性嘅，男仔女仔都啱用。除咗實用之外，呢件單品仲可以增添佢哋日常穿搭嘅時尚風格，盡顯個人魅力!
SCANFC® 係一個創立於2018年嘅香港時尚科技品牌 ，致力提供互動時尚服飾，以彰顯香港文化特色的設計配合專利 NFC Patech 智能魔術貼，將 NFC (近場通信) 技術融入至一系列時尚單品，如：機能手機背繩和隨身袋等。
【送給靈性系友人】
FRIKA Nature Collection | 100%有機天然大豆蠟香薰蠟燭 $428
喺浪漫嘅冬天季節，最適合喺屋企營造一個溫馨舒適嘅氛圍，送蠟燭比一個注重生活儀式感嘅朋友就再適合不過啦! 呢個天然水晶石蠟燭同普通蠟燭唔同，加入咗水晶塊，除咗可以令間房嘅香氣提升，仲可以增添一抹魔幻嘅氛圍。所有水晶石都經過加州白鼠尾草嘅淨化同太陽、月光嘅充能，比你朋友享受水晶帶嚟嘅滿滿正能量。
呢盒天然水晶石蠟燭（9 Oz）唔單止係外觀上悅目，仲好耐用，可以燃燒長達50個鐘。佢有三種款式選擇: 紫晶薰衣草之夢(紫水晶)帶嚟寧靜同精神成長；波羅的海日光浴(青金石)帶嚟真理同友誼；西柚天堂(粉水晶) 帶嚟愛同情感療癒。你可以挑選一款最啱朋友性情同需求嘅天然水晶石，令禮物更個人化同貼心。
FRIKA Nature Collection 創辦人透過自身經歷，研發結合水晶原石和蠟燭香氣，為繁忙的都市人製造出一個可以回家就放鬆喘息的空間，建立生活儀式感，滋養幸福日常！
【送給迪士尼迷】
生活選物 | Disney character 保鮮花瓶（木底座） $465
每個人身邊總有一個朋友係迪士尼迷，如果你搵緊份令佢畢生難忘嘅禮物，咁呢一個迪士尼角色保鮮花瓶絕對係你嘅最佳選擇!
想像一下，當你朋友打開包裝盒，見到裏面係佢最鍾意嘅迪士尼角色，心情會幾咁興奮同雀躍! Good2select 提供嘅角色應有盡有，任君選擇，包括米老鼠和米妮老鼠等經典角色同最新推出嘅Pixar角色。最正嘅係，每個角色都有自己獨特嘅花卉場景，配合番角色衣服同身上嘅色調，令公仔同埋背後嘅保鮮花融為一體，營造出一個小小嘅迪士尼花園!
同鮮花唔同，花瓶入面嘅保鮮花可以持續保存3-5年，意味住你呢個迪士尼狂粉朋友可以慢慢欣賞同享受花卉嘅魔力同美麗。
生活選物 Good2select 創立於2017年，主打全人手製作嘅日本進口保鮮花及乾花擺設；透過融入各式公仔造型，創造風格多元的時尚產品，為生活增添色彩。
【送給質感系友人】
ONELIVINGS | CLASSIC Edition- WONDER- 喜馬拉雅鹽燈 $698
如果你身邊有一個鍾意家品嘅朋友，咁呢一個喜馬拉雅鹽燈絕對係送禮好選擇。呢款燈可以為任何空間增添自然美感，注入靈性。
鹽燈嘅粉紅色同獨特形狀，不論係放喺咖啡枱、書架定係床頭櫃，都可以輕鬆為家居增添溫馨同放鬆嘅氛圍。打開燈嘅時候，佢會散發溫暖嘅橘橙柔光，好適合放鬆、冥想或姐靜坐。而且，喜馬拉雅鹽燈嘅負離子釋放可以改善空氣質素，對健康有好處。結合美感、實用同健康嘅於一身嘅喜馬拉雅鹽燈，絕對會驚艷注重生活質感嘅友人!
ONELIVINGS係一個本地鹽燈品牌，喺2013年由兩個素未謀面嘅陌生人一齊去喜馬拉雅山冒險嘅時候創立。佢哋受到藏傳佛教「一念三千」嘅哲理啟發，一齊創立咗呢個品牌，希望透過鹽燈點亮都市人嘅心燈，用正念面對生命嘅每一個瞬間。